DEAD END

DEAD END-ი პარალელურში


ანონიმუსის წესებში ეწერა: აქტუალური თემები. ვიფიქრე საკმაოდ ადვილი იქნებოდა ამაზე წერა, რადგან ეს სიტყვა დღეს საკმაოდ ხშირად მხვდება ჩვენს რეალობაში, თუ შეიძლება რომ ასე ვუწოდოთ ჩვენს დღევანდელ აგდილსამყოფელს. მიუხედავად ამისა, როდესაც საწერად დავჯექი აქტუალური თემების მასშტაბმა მოლოდინს გადააჭარბა და მივხვდი რომ ვერანაირად ვერ დავწვრილმანდებოდი, ვერ ამოვირჩევდი რომელი თემა შეიძლება უფრო მნიშვნელოვანი იყოს, რომელ აქტუალურ მარაზმს შეიძლება ჩემი რამდენიმე გვერდი დავუთმო, ყველა თემა რაც თავში მომდიოდა, აქტუალურობის პიკში იმყოფება და გამოსავალი ვერ ვნახე, გადავწყვიტე ზოგადათ ჩამოვთვალო.  იქნებ უფრო ნათლად აისახოს ყველაზე მნიშვნელოვანი.


არაპროფესიონალიზმი, საქმის არ-სიყვარული, უსაფუძვლო ამბიცია, წარმოუდგენელი თვითკმაყოფილება, მოქალაქეობრივი შეუგნებლობა, დამახინჯებული მეგობრობა, ფულის წარმოუდგენელი სიყვარული და ამის გამო აბსოლუტური მონური დამოკიდებულება ფულიანებისადმი. გაუმიჯნაობა პროფესიული და პირადი ურთიერთობების, უცოდინრობა. სიტყვა “პატრიოტიზმის” გაუაზრებელი რახარუხი და მისი მნიშვნელობის სრული დამახინჯება. სტანდარტების უსაფუძვლო დაწესება გაუგებარი ჯგუფების თუ ამა თუ იმ ადამიანების მიერ და შემდგომ მასიურად მათი ატაცება, ასევე გაუაზრებლად. იდეის არ ქონა, როგორც მოქალაქეობრივის ასევე კრეატიულის ან ქონების შემთხვევაში მომენტალური მისი დათმობა, რაც გადადის მახინჯ პლაგიატიზმში. შინაგანი თავისუფლების დეფიციტი, გაჩუმების პრინციპი, რამოდენიმე ლარად შეფასებული ან Fashion Show-ებზე მოსაწვევის მიღების ხარჯზე. შური, პირფერობა, ტენდენციური რელიგიურობა, ესეც ასევე გაუაზრებელი, შინაგანი სამყაროს არ ქონა და ამის გამო კომუნის პრინციპით ცხოვრება. ლაპარაკის დროს კივილ წივილი და ამით სიხარულის და მხიარულების გამოხატვა. რაც ძალიან უშლის ხელს ნორმალურ საუბარს (ჩემი აზრით) ერთმანეთისთვის ხელის შეშლა, მიუხედავად საერთო ინტერესებისა. ამ ყველაფერზე არ ფიქრი, და ზოგადად არა ფიქრი, არაფერზე. უსაფუძვლო კრიტიკა კრიტიკის ხარჯზე.

ამიტომ ჩემს პირველ სტატიას დავარქვი DEAD END –ი. და ჩვენს ქვეყანას - პარალელური.
პარალელური იმიტომ რომ, ჩემი დაკვირვებებით და ღრმა რწმენით სამყარო, გარკვეული წესებით ვითარდება და არსებობს. თანამედროვე მეცნიერების ერთერთი თეორია ამტკიცებს რომ არსებობენ პარალელური სამყაროებიც. ისინი  ჩვენი “რეალური სამყაროსგან განსხვავებით” თავისი წესებით მოქმედებენ. საქართველო ზუსტადაც რომ იმ პარალელური სამყაროების რიცხვს მიეკუთვნება, არსებობს და ვითარდება თავისი გაუგებარი წესებით და კონონებით.აქედან გამომდინარე საკმაოდ რთულია შერწყმა და იმ რეალობის აღქმა რაშიც დღეს მთელი განვითარებული მსოფლიო იმყოფება რადგან ჩვენ ჩვენი წარმოუდგენელი თვითკმაყოფილებით მუდმივ DEAD END-ში შევდივართ.

ა

საიტზე დაბრუნებ